Të fundit

Daçiq: Në Kosovë kudo shkruajnë Republika e Kosovës e ndërkombëtarët nuk e dënojnë për këtë

Ministri i jashtëm serb, Ivica Daçiq, duke komentuar veprimet e Qeverisë së Kosovës, për të cilat thotë se i “rrezikojnë serbët në Kosovë”, siç është ndalimi i dinarit të Serbisë në Kosovë, sot ka deklaruar se “Kurti do të ketë një milion ide për të vërtetuar se ka diçka që në fakt nuk e ka, e që është shtetësia”.

“Kurti do të ketë një milion ide për të theksuar diçka që nuk e ka e që është shtetësia. Ideja e tij është të kalojë në përshkallëzime të reja”, ka pretenduar Daçiqi në televizionin në shërbim të pushtetit serb “TV Pink”.

Ai ka pretenduar se, “ashtu si dikush që ka nevojë për prova sepse të gjithë e dinë se është e kundërta, edhe Kosova dëshiron të shkruajë kudo Republika e Kosovës”, transmeton Paparaci.

“Edhe në fletëvotime kanë shkruar Republika e Kosovës për të vërtetuar se kanë shtet. Problemi është se bashkësia ndërkombëtare e toleron këtë dhe thotë se nuk mund t’i bëjnë presion Kurtit. Epo, ata nuk mund të bëjnë asgjë”, është ankuar shërbëtori i vogël dhe më pas edhe trashëgimtari i kriminelit të luftës Sllobodan Millosheviq në krye të partisë së tij famëkeqe.

Ai gjithashtu ka pretenduar se “situata në lidhje me Kosovën është e turbullt”, si dhe se “ata duhet të kenë një politikë shtetërore që do të bazohet në ruajtjen e integritetit territorial dhe sovranitetit të Serbisë”.

“Ne kemi nevojë për një politikë të mençur që do të bazohet në faktin se ne nuk do ta njohim pavarësinë e Kosovës dhe nuk “do të lejojmë” anëtarësimin e saj në OKB, dhe në anën tjetër të kemi një politikë të mençur për t’i arritur të gjitha këto pa dëmtuar interesat kombëtare dhe unë mendoj se kjo është politika që do të udhëheqë qeveria jonë e ardhshme”, ka pretenduar Daçiq./Paparaci.com

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci