Të fundit

​DASh miratoi shitjen e mundshme të helikopterëve Black Hawk në Kroaci

Departamenti i Shtetit amerikan ka miratuar shitjen e mundshme të helikopterëve Black Hawk dhe pajisjeve dhe shërbimeve të lidhura me Kroacinë sipas një kontrate me vlerë 500 milionë dollarë, njoftoi Pentagoni.

Në njoftimin për media të Agjencisë për Bashkëpunim Sigurie të Departamentit të Mbrojtjes së SHBA-së të premten, thuhet se Kroacia ka kërkuar tetë helikopterë Black Hawk.

“Shitja e propozuar do të mbështesë politikën e jashtme dhe sigurinë kombëtare të Shteteve të Bashkuara duke përmirësuar sigurinë e një aleati të NATO-s që mbetet një forcë e rëndësishme për stabilitetin politik dhe përparimin ekonomik në Evropë. Shitja e propozuar do të përmirësojë aftësinë e Kroacisë për të frenuar kërcënimet aktuale dhe të ardhshme dhe për të mbështetur operacionet e koalicionit, si dhe do të promovojë ndërveprimin me Shtetet e Bashkuara dhe forcat e tjera të NATO-s”, thuhet në deklaratë, duke shtuar se Kroacia nuk do ta ketë të vështirë ta integrojë këtë pajisje në armatimin e saj.

Departamenti i Shtetit miratoi më parë shitjen e dy helikopterëve Black Hawk UH-60M dhe pajisjeve përkatëse në Kroaci për 115 milionë dollarë, dhe pas kësaj SHBA-të i dhuruan Kroacisë dy helikopterë të tjerë, të cilët mbërritën në vitin 2022.

Ndryshe, Black Hawk është një helikopter ushtarak me shumë qëllime dhe përdoret në rreth 30 vende.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci