Të fundit

Hovenier i shkon në takim guvernatorit të BQK-së: Të shtyhet vendimi për dinarin serb

Shtetet e Bashkuara të Amerikës i kanë kërkuar edhe njëherë Kosovës që të shtyjë vendimin e autoriteteve financiare për paratë e gatshme për ndalimin e përdorimit të dinarit serb.

Ambasadori i ShBA-së, Jeff Hovenier, të hënën i ka shkuar në takim guvernatorit të Bankës Qendrore të Kosovës, Ahmet Ismailit.

Në një njoftim në platformën ‘X’, Hovenier tha se i ka kërkuar Ismailit që të shtyhet vendimi i paraparë të hyjë në fuqi më 1 shkurt.

“Pata një takim produktiv me Guvernatorin e Bankës Qendrore të Kosovës, Ahmet Ismaili. Përsërita shqetësimet e SHBA-së rreth zbatimit të rregullores së ndryshuar për operacionet me para të gatshme. Ne kërkojmë që zbatimi të shtyhet për të lënë kohë të mjaftueshme për tranzicion efektiv dhe komunikim publik për të zbutur ndikimin negativ tek qytetarët”, ka shkruar Hovenier.

 

Ditë më parë, Banka Qendrore e Kosovës, e ka miratuar një rregullore për operacionet me para të gatshme që parasheh euron si monedhën e vetme për kryerjen e transaksioneve.

“Valuta e vetme e lejuar të përdoret për kryerjen e transaksioneve të pagesave me para të gatshme dhe në sistemin e pagesave në Republikën e Kosovës është euro, si valutë e vetme edhe në kuptim të nenit 11 të Kushtetutës së Republikës së Kosovës”.

Sipas nenit 11 të Kushtetutës, “në Republikën e Kosovës si mjet i vlefshëm pagese përdoret një valutë e vetme”.

Kjo rregullore parashihet të hyjë në fuqi më 1 shkurt.

 

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci