Të fundit

Emigracioni pritet t’i shtojë 6.1 milionë njerëz popullsisë së Britanisë së Madhe

Sipas parashikimeve zyrtare, popullsisë së Britanisë së Madhe pritet që t’i shtohen 6.1 milionë njerëz deri në vitin 2036, dhe kjo për shkak të emigracionit.

Rritja e numrave pritet që të shtojë presionin, që ekziston tashmë, për kryeministrin Rishi Sunak që ta frenojë fenomenin përpara zgjedhjeve.

Rritja, e regjistruar gjatë një periudhe prej më shumë se 15 vjetësh, pasqyron një parashikim prej 541,000 lindjesh më shumë se vdekje dhe migrimin ndërkombëtar neto prej 6.1 milionë njerëzish.

Shifrat e publikuara në nëntor treguan se migracioni vjetor neto në Britaninë e Madhe arriti një rekord prej 745,000 njerëzish deri në vitin 2022 dhe ka mbetur i lartë që atëherë. Vendi pret emigrantë edhe nga vende si India, Nigeria dhe Kina por edhe nga vende të Europës.

Projeksionet e publikuara sot vlerësojnë një nivel neto migrimi prej 315,000 njerëzish në vit nga mesi i vitit 2028 e në vazhdim.

Sunak është nën presion për të reduktuar nivelin e lartë të imigracionit legal, i cili ka dominuar prej kohësh peizazhin politik britanik dhe do të jetë një çështje madhore në zgjedhjet që priten më vonë këtë vit.

Qeveria e tij muajin e kaluar njoftoi masa më të ashpra për viza , duke përfshirë rritjen e kufirit të pagës minimale për disa emigrantë që sjellin anëtarë të familjes në vend, një veprim i kritikuar nga bizneset dhe sindikatat.

Sipas parashikimeve, popullsia e Britanisë së Madhe pritet të arrijë në 70 milionë deri në mesin e vitit 2026. /A2CNN

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci