Atletico Madrid ka marrë tre pikë tjera në xhiron e 22-të të La Ligas, falë golit të Memphis Depay në minutat e fundit të takimit.
Atletico shënoi fitore ndaj Rayo Vallecano me rezultat 2:1, për të vazhduar ndjekjen e Real Madridit e Gironas.
Vendasit kaluan të parët në epërsi, me mbrojtësin Reinildo që shënoi në minutën e 35-të për Atleticon.
Rayo Vallecano barazoi shifrat para përfundimit të pjesës së parë falë golit të Alvaro Garcia, ndërsa vendasit patën vështirësi për të gjetur golin e fitores.
10 minuta para përfundimit të kohës së rregullt Depay shënoi golin e epërsisë, por goli u anulua pas rishikimit të VAR-it.
Sikurse xhiron e kaluar edhe këtë radhë Depay e Atletico nuk u dorëzuan dhe shënuan fitore në fundin e takimit.
29-vjeçari realizoi golin e fitores në minutat e fundit të takimit falë asisitmit të Griezmann.
Xhiron e ardhshme, Atletico do të udhëtojë drejt Brenabeut ku do të përballet me rivalët e përjetshëm, Real Madridin.