Një aksident trafiku ka ndodhur mbrëmjen e sotme në fshatin Mleqan të Malishevës, në rrugën Prishtinë – Pejë.
Rastin për Paparacin e ka konfirmuar zëdhënësi i policisë për rajonin e Gjakovës, Sheremet Elezaj.
Ai është shprehur se në aksident kanë qenë të përfshirë një autobus dhe tri automjete udhëtarësh, si dhe kanë mbetur të lënduar pesë persona..
“Rreth orës 19:10 është raportuar aksident trafiku në fshatin Mleqan-Malishevë (rruga Prishtinë-Pejë). Policia ka dalë në vendin e ngjarjes ku të përfshirë në aksident kanë qenë një autobus dhe tri automjete udhëtaresh. Përveç dëmeve materiale, deri më tani është raportuar për pesë persona të lënduar”, është shprehur ai.