Policia e Kosovës ka raportuar se të hënën, një person ka njoftuar policinë, pasi bashkë me fëmijët e tij është sulmuar fizikisht nga një grua dhe nëna e saj.
Në raport thuhet se i njëjti, pasi ka shkuar në oborrin e shkollës në Fushë Kosovë, e ka parë një grua duke i rrahur fëmijët e tij, dhe i njëjti është sulmuar nga e dyshuara dhe nëna e saj.
“Viktima ka pësuar lëndime trupore dhe ka pranuar tretman mjekësor”, thuhet në raport.
Dy palët janë intervistuar dhe me vendim të prokurorit, e dyshuara është dërguar në mbajtje.