Të fundit

Dy persona të vdekur pas tentimit për sulm terrorist në Gjykatën e Stambollit

Dy persona të vrarë dhe gjashtë të tjerë të lënduar, duke përfshirë tre pjesëtar të Policisë është bilanci i një tentimi për sulm terrorist në Gjykatën e Stambollit.

Ministri i Brendshëm i Turqisë, Ali Yerlikaya ka njoftuar se dy persona të dyshuar janë qëlluar për vdekje teksa po përpiqeshin të sulmonin gjykatën e Caglayan në Stamboll.

Sipas raportimeve të mediave turke, dyshohet se burri dhe gruaja u vranë gjatë një “përpjekjeje për të sulmuar” një pikë kontrolli të sigurisë në gjykatën e Caglayan të martën vonë në mëngjes, postoi Yerlikaya në mediat sociale.

Ministri më vonë njoftoi se dy sulmuesit, një femër dhe një mashkull, u neutralizuan nga Policia si dhe gjashtë persona të tjerë përfshirë tre policë, u plagosën.

Ai gjithashtu tha se terroristët, të identifikuar si EY dhe PB, të cilët u neutralizuan, ishin përcaktuar se ishin anëtarë të organizatës terroriste DHKP-C.

“Unë përgëzoj oficerët tanë heroikë të policisë. I uroj shërim të shpejtë të plagosurve tanë,” shtoi Yerlikaya.

Ministri i Drejtësisë Yilmaz Tunc ka pohuar se hetimi gjyqësor i nisur nga Zyra e Kryeprokurorit Publik të Stambollit në lidhje me sulmin është në vazhdim, duke përfshirë aspekte të shumta.

“Hetimi gjyqësor i nisur nga Zyra jonë e Kryeprokurorit Publik të Stambollit në lidhje me incidentin vazhdon në shumë aspekte”, tha ai në postimin e tij në rrjetet sociale.

Caglayan është një kompleks i madh gjykatash në lagjen Kagithane në anën evropiane të Stambollit.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci