Të fundit

Vuçiqi me një letër i ankohet “vëllezërve” kinezë për situatën në Kosovë

Presidenti serb, Aleksandar Vuçiq, është takuar sot ambasadorin kinez në Beograd Li Ming, të cilit i ka dorëzuar një letër për presidentin kinez Xi Jinping, ku është ankuar për situatës në Kosovë, por ka përmendur edhe “zhvillimin e përshpejtuar të marrëdhënieve bilaterale ndërmjet Serbisë dhe Kinës”.

“Një takim i shkëlqyer me ambasadorin e Republikës së Kinës Li Ming. Ia dorëzova letrën që i dërgova Presidentit Xi për situatën në Kosovë, por edhe për zhvillimin e shpejtë të marrëdhënieve tona dypalëshe”, ka pretenduar Vuçiqi në llogarinë e tij në Instagram, transmeton Paparaci.

Sipas fjalëve të tij, ai ka falënderuar ambasadorin Li Ming për “reagimin e fortë dhe të qartë të Ministrisë së jashtme të Kinës lidhur me veprimet e fundit të “papërgjegjshme” të Kosovës, “të drejtuara qartë kundër serbëve të Kosovës”.

Gjithashtu, sipas Vuçiqit, ai i ka dërguar edhe një mesazh urimi presidentit Xi me rastin e Vitit të Ri Lunar, me “urimet më të mira për përparimin e vendit të tij dhe mirëqenien e popullit vëllazëror kinez”./Paparaci.com

Video nga Paradoks

Ekskluzive: I kërkuar nga Interpoli për vr’asjen që tronditi Norvegjinë - misteri i njeriut që sillej në Ferizaj me katër identitete të rreme

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci