Të fundit

Goditen 4 grupe shqiptare trafikantësh të narkotikëve, 67 të arrestuar

Të paktën 67 të arrestuar, dhjetëra llogari bankare, shoqëri tregtare dhe automjete të sekuestruara, janë rezultati i një operacioni të zhvilluar në disa shtete evropiane që çoi të hënën, në shkatërrimin e katër grupeve kriminale shqiptare të cilat ndër vepronin me njëra tjetrën për trafikun e lëndëve narkotike, shpërndarjen dhe shitjen e saj në tregjet italiane. Operacioni u finalizua pas një hetimi disa vjeçar të kryer nga një skuadër e përbashkët mes autoriteteve italiane të Antimafias dhe Prokurorisë së Posaçme shqiptare kundër Krimit të organizuar dhe Korrupsionit, me ndërmjetësimin e Eurojust.

Ndërhyrja e sotme për arrestimin e anëtarëve të grupeve të dyshuara kriminale, e mbështetur dhe nga Europol dhe Interpol, u shtri përveç në Shqipëri e Itali, edhe në Spanjë, Gjermani dhe Mbretërinë e Bashkuar. Rrjeti kryesisht trafikonte heroinë, kokainë, hashash duke përdorur vetura me dysheme të dyfishtë ose ndarje të fshehta.

Në Shqipëri, sipas njoftimit të Prokurorisë së posaçme, operacioni i së hënës çoi në sekuestrimin e 32 subjekteve tregtare, 45 automjeteve, 4 moto mjeteve, mbi 200 llogari bankare, dhe 19 pasurive të paluajtshme, të cilat përllogariten të kenë një vlerë mbi 5 milionë euro.

Grupet kriminale që ishin pjesë e rrjetit, kishin detyra të ndara që nga furnizimi, shpërndarja dhe logjistika. Njëri e kishte qendrën në Firence dhe Mugello të Italisë, një tjetër në Holandë ku mbulonte Evropën veriore dhe nevojat për importe të drogës drejt Italisë, një grup ishte shtrirë në qytete të ndryshme italiane, ndërsa grupi i katërt mbulonte shpërndarjen dhe tregtimin nëpër rrugët e sheshet e Italisë. Sipas dokumenteve të gjetura nga autoritetet italiane, rrjeti arrinte të shiste deri afro 50 kile kokainë në muaj.

Video nga Paradoks

"Prej jashti s'keni pa": Fisnik Ismaili flet për Shpend Ahmetin e Përparim Ramën - "Goditjet i kanë ardhë nga VV"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci