Të fundit

Sonte mbahet seanca e Këshillit të Sigurimit të KB për Kosovën

Seanca e Këshillit të Sigurimit të Kombeve të Bashkuara, me kërkesë të Serbisë, do të mbahet sonte në orën 21:00 sipas kohës tonë dhe temë e diskutimit do të jetë situata në Kosovë. Sipas njoftimit të zyrës së Vuçiqit për media, Serbia do të përfaqësohet nga presidenti Aleksandar Vuçiq.

“Presidenti i Republikës së Serbisë, Aleksandar Vuçiq, do të jetë në Nju Jork, ku do të mbajë fjalim në seancën e jashtëzakonshme të Këshillit të Sigurimit të Kombeve të Bashkuara për situatën në Kosovë”, thuhet në njoftim, transmeton Paparaci.

Ministri i jashtëm serb, Ivica Daçiq, ka thënë se Guajana si kryesuese e Këshillit të Sigurimit të OKB-së ka vendosur që seanca të jetë e hapur.

Daçiq ka thënë se një nga “ankesat” e Serbisë në këtë seancë do të jetë edhe vendimi i Bankës Qendrore të Kosovës për heqjen e dinarit, e që, sipas propagandës serbe, “është një nga masat që synojnë të detyrojnë serbët të largohen nga Kosova”.

Të hënën, Serbia ka paraqitur një kërkesë për caktimin e një seance të jashtëzakonshme të Këshillit të Sigurimit të OKB-së për shkak të “situatës në Kosovë”, për të cilën ka pretenduar se gjoja është “në kundërshtim me Kartën e OKB-së dhe Rezolutën 1244 të Këshillit të Sigurimit të OKB-së”./Paparaci.com

Video nga Paradoks

Ekskluzive: I kërkuar nga Interpoli për vr’asjen që tronditi Norvegjinë - misteri i njeriut që sillej në Ferizaj me katër identitete të rreme

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci