Të fundit

Reagon Krasniqi pasi Kuvendi nuk e kaloi rezolutën për uljen e çmimit të rrymës

Kryetari i Partisë Demokratike të Kosovës, Memli Krasniqi, ka reaguar pasi nuk është miratuar në Kuvendin e Kosovës Rezoluta për anulimin e vendimit për shtrenjtimin e energjisë elektrike, meqë kanë abstenuar deputetët e Lëvizjes Vetëvendosje.

“Është vërtetë i turpshëm dështimi i miratimit të Rezolutës së propozuar nga Partia Demokratike e Kosovës, përmes së cilës kemi kërkuar anulimin e vendimit për shtrenjtimin e energjisë elektrike dhe heqjen e bllok-tarifës”, shkroi ai në Facebook.

“Natyrisht, atyre që e mbrojnë në çdo mënyrë e me çdo kusht Martin Berishajn e Nagip Krasniqin, nuk iu bëhet vonë për ankesat e shumë konsumatorëve që kanë pranuar e paguar fatura me çmime enorme përgjatë këtij dimri”.

Kreu i PDK-së ka theksuar se abstenimi i deputetëve të Lëvizjes Vetëvendosje nga votimi i kësaj Rezolute – është një tjetër dëshmi se varfërimi dhe përbuzja e qytetarëve të Kosovës, është qëllimi i vetëm i këtij pushteti.

Kuvendi i Kosovës, këtë të enjte, nuk e ka miratuar Rezolutën në lidhje me çmimin dhe faturimin aktual të energjisë elektrike për konsumatorët i propozuar nga Partia Demokratike e Kosovës.

Për këtë Rezolutë votuan vetëm 29 deputet, ndërsa 55 prej tyre abstenuan. Votë kundër nuk pati.

Përmes një draft-rezolute, tri partitë opozitare në Kosovë më 18 janar kërkuan uljen e tarifave të energjisë elektrike për konsumatorët në Kosovë.

Video nga Paradoks

"Prej jashti s'keni pa": Fisnik Ismaili flet për Shpend Ahmetin e Përparim Ramën - "Goditjet i kanë ardhë nga VV"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci