Të fundit

Protokolli sekret, çfarë ndodh nëse vdes Mbreti Charles III?

Kur bëhet fjalë për familjen mbretërore britanike, asgjë nuk i lihet rastësisë.

Ditën kur Mbreti Charles i III u diagnostikua për kancer, familja mbretërore u kujdes deri në detaje për organizimin e funeralit të Mbretit në rast se ai do të ndërronte jetë.

Protokolli i detajuar, i koduar si ‘Menai Bridge’, ‘Ura Menai’, do të vihej në zbatim menjëherë në rast se monarku do të ndërronte jetë.

Gazeta britanike ‘The Independent’ bën publike detajet dhe arsyet e emërtimit të një protokolli të tillë.

Sipas protokollit, familja mbretërore do të njoftohet për vdekjen e mbretit, me një sërë telefonatash, duke informuar kryeministrin, sekretarin e kabinetit dhe disa ministra e zyrtarë të lartë të qeverisë.

Siç ndodhi me vdekjen e Elizabeth II, informacioni më pas do të transmetohet në vendet e Komonuelthit në të cilat mbreti është kreu i shtetit dhe më pas në shtyp.

Kurorëzimi i pasardhësit Charlesit të III, Princit William, do të realizohet disa muaj pas vdekjes së babait të tij, ndërsa gruaja e tij, Kate Middleton do të bëhet bashkëshortja e mbretit. William ka të ngjarë të mbajë një fjalim para kombit atë ditë dhe do të fillojë takimet me zyrtarët e qeverisë.

Vihet re mungesa e përmendjes së trashëgimtarit më të vogël të familjes mbretërore, Princi Harry, i cili prej disa kohësh nuk është më pjesë e pretendimeve për fronin mbretëror, për shkak të kontradiktave brenda familjes mbretërore.

Operacioni i koduar ‘Menai Bridge’, u quajt e tillë sipas urës së parë të varur prej hekuri në botë, në Uells, vend të cilit Monarku aktual i ka shërbyer për vite me radhë.

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci