Të fundit

​Mbreti Charles falënderon publikun për mbështetjen pas diagnostikimit të kancerit

Mbreti Charles III shprehu “falënderimet e tij të përzemërta” për mbështetjen dhe urimet e mira nga tw gjitha anwt në mesazhin e tij të parë pasi u diagnostikua me kancer.

“Dëshiroj të shpreh falënderimet e mia më të përzemërta për mesazhet e shumta të mbështetjes dhe urimeve të mira që kam marrë ditët e fundit”, tha Charles në mesazhin e tij nga Sandringham në Norfolk.

“Siç do ta dinë të gjithë ata që janë prekur nga kanceri, mendime të tilla dashamirëse janë ngushëllimi dhe inkurajimi më i madh”, tha Mbreti Charles në deklaratë.

“Është po aq inkurajuese të dëgjosh se si ndarja e diagnozës sime ka ndihmuar në promovimin e mirëkuptimit publik dhe ndriçimin e punës së të gjitha atyre organizatave që mbështesin pacientët me kancer dhe familjet e tyre në të gjithë Mbretërinë e Bashkuar dhe më gjerë,” shtoi ai.

Buckingham Palace tha më 17 janar se Charles do të merrte një “procedurë korrigjuese” në një spital për një prostatë të zmadhuar.

Pallati më vonë lëshoi një deklaratë tjetër, ku thuhej se ai ishte shtruar në spital për një trajtim të planifikuar të prostatës.

Pas një qëndrimi tre netësh në Klinikën e Londrës, Charles u largua nga spitali. Por Buckingham Palace njoftoi të hënën se Charles është diagnostikuar me një formë të paspecifikuar të kancerit dhe ka filluar trajtimin.

Charles u ngjit në fron pas vdekjes së nënës së tij prej shumë vitesh, Mbretëreshës Elizabeth II, më 8 shtator 2022.

Në maj 2023, në shërbimin e parë të kurorëzimit në gati 70 vjet, ai u kurorëzua në Westminster Abbey në Londër.

Video nga Paradoks

Ekskluzive: I kërkuar nga Interpoli për vr’asjen që tronditi Norvegjinë - misteri i njeriut që sillej në Ferizaj me katër identitete të rreme

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci