Të fundit

Detaje të reja rreth vrasjes së shqiptarit në Mal të Zi, flet prokurorja e rastit

Mëngjesin e sotëm është vrarë shqiptari Edmond Mustafa në Tivar të Malit të Zi, rast për të cilin është arrestuar si i dyshuari kryesor Dino Ibrahimoviq,.

Prokurorja e rastit Irena Buriq, ka konfirmuar se D.I., është arrestuar pasi po dyshohet për vrasje, mbajtje pa leje të armëve dhe të lëndëve shpërthyese.

Para mediave, ajo ka deklaruar se i dyshuari është dërguar në mbajtje dhe është marrë në pyetje në Prokurorinë e Lartë në Podgoricë, duke shtuar se është gjetur edhe një armë.

Sipas Vijesti, ajo ka shtuar se nuk mund të flasë për motivin, por që do të hetohen të gjitha aspektet që ndërlidhen me rastin.

“Kam kryer një hetim në vend të ngjarjes së bashku me zyrtarët e Qendrës së Sigurisë së Tivarit dhe ekspertët e Qendrës Mjeko Ligjore, nga vendi i ngjarjes janë marrë gjurmë që do të jenë objekt i ekspertizës së mëtutjeshme”, tha prokurorja para mediave.

Dëshmitarët kanë deklaruar se kanë dëgjuar të shtëna dhe e kanë parë viktimën të shtrirë në mes dy makinave në një parking.

Vijesti ka shkruar se Ibrahimoviq po gjykohet para Gjykatës së Lartë të Podgoricën, nën akuzën se është pjesë e një grupi kriminal, që janë përgjegjës për vrasjen e Scepan Roganoviq.

Video nga Paradoks

"Sa ma budallë mashkulli ma shumë dhunë", "Fejohen për ni t'shkume n'deti": Valon Syla flet për dhunën ndaj grave, u drejtohet Vjosa Osmanit e Albulena Haxhiut - "Siguria financiare zgjidh shumë sene"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci