Gjilani pritet të shkojë në balotazh, bazuar në rezultatet preliminare të KQZ-së. Rezultatet sugjerojnë se garën në raundin e dytë do ta bëjnë Alban Hyseni i LVV-së dhe Lutfi Haziri i LDK-së.
Pas numërimit të 65,92% të votave në komunën e Gjilanit, Lëvizja Vetëvendosje po prin me Alban Hysenin i cili ka 45,68% të votave.
Ndërsa kryetari aktual, Lutfi Haziri, nga LDK-ja ka 42,79% të votave, që nënkupton se Lëvizja Vetëvendosje dhe Lidhja Demokratike e Kosovës janë duke shkuar drejt balotazhit në komunën e Gjilanit.
Kur janë numëruar 77 vendvotime në Komunën e Gjilanit, Alban Hyseni vazhdon të kryesojë rezultatin e zgjedhjeve me 45,44 për qind.
Lutfi Haziri i LDK-së numëron 42,95 për qind.
Në Komunën e Gjilanit votuan 101,062 qytetarë të dielën.
Kandidati i VV-së për kryetar, Alban Hyseni është duke prirë në Gjilan ndaj kryetarit aktual Lutfi Haziri.
Hyseni ka 46,16% ndërkaq, Lutfi Haziri ka 42,05%.
Deri më tani janë numëruar 45 nga 126 vendvotime në këtë komunë.