Kryetari i Zubin Potokut, Izmir Zeqiri, thotë se nuk do të dalë për të votuar, sepse nuk do që të krijojë huti.
“Është hera e parë që nuk do të dalë për të votuar, sepse nuk dua të krijoj huti të thuhet se a ka votuar pro apo kundër kryetari, kundër kryetarit”, tha ai
“Procesi po vazhdon, unë i bindem secilës normë ligjore që rrjedhin nga udhëzimet administrative nga aktet ligjore të Republikës së Kosovës. Çfarëdo rezultati për mua është i pranueshëm”, shtoi Zeqiri.
Kryetari i Zubin Potokut, në një intervistë për Klan Kosovën tutje tha se që nga fillimi i mandatit ka pritur që atë ta dërgojë deri në fund.
Zeqiri, theksoi se nuk beson që votimi i sotshëm do të kalojë, e që kjo do të bëntë që ai të shkarkohej.
Sot po votohet për ose kundër shkarkimit të katër kryetarëve të komunës së Mitrovicës së Veriut, Leposaviqit, Zubin Potokut dhe Zveçanit.