Hedhja e shortit për edicionin e ri garues në Superligën e Kosovës në futboll do të bëhet të martën.
Kështu ka njoftuar Federata e Futbollit e Kosovës të shtunën.
Tërheqja e shortit do të bëhet me fillim nga ora 13:00 në selinë e FFK-së në Prishtinë.
“Komisioni i Garave i Superligës njofton klubet dhe opinionin se shorti për edicionin e ri garues 2024/25 në AlbiMall Superligën e Kosovës në futboll do të tërhiqet të martën, më 23 korrik. Ceremonia e tërheqjes së shortit do të zhvillohet në selinë e Federatës së Futbollit të Kosovës në orën 13:00 dhe do të bëhet në praninë e përfaqësuesve të klubeve dhe mediave”, thuhet në njoftimin e FFK-së.