Reperi me famë botërore, Drake, i cili së fundmi ka krijuar një llogari të re në rrjetin social Instagram, ku ka ndarë video e fotografi të zakonshme të jetës së përditshme e njëkohësisht, përmes kësaj llogarire, ka lansuar edhe projektet e tij të reja muzikore, ka konfirmuar edhe se ishte në lidhje me tenisten tashmë të pensionuar, Serena Williams.
Me vite të tëra kanë qarkulluar thashethemet se reperi është në lidhje me tenisten, pro asnjëri nga ta nuk e ka konfirmuar asnjëherë asnjërin nga thashethemet, shkruan DailyMail.
Ai ka konfirmuar se kënga e tij e vitit 2016 “Too Good” ishte inspirim nga Serena.
37 vjeçi, të martën, i ka befasuar adhuruesit e tij përmes llogarisë së re duke lansuar 100 gigabite përmbajtje të paparë më herët, nga arkivat e tij personale.
Në këto pamje, përfshihej një video nga prapaskena e incizimit të këngës së tij të famshme, ku lë të kuptohet se kënga “Too Good” të cilën e ka bërë në bashkëpunim me artisten Rihanna, i është kushtuar ikonës së tenisit.
Në video shihet Drake duke punuar në studio ndërkohë që nëna e tij, Sandi Graham, e pyet se a po i referohet lidhjes së mëparshme romantike.
“Kam konsumuar pak kanabis, por kjo këngë është më shumë për mua e Serenan”, i thotë Drake nënës, ndërkohë që ajo i thotë se e ka kuptuar tashmë.
Biseda me nënën e shtyu yllin të shpjegonte tutje rreth këngëve që ishin të inspiruara nga jeta e tij.
“Kur bëj këngë në lidhje me gratë, bëj këngë për to, kështu e di se çfarë kënge duhet të bëj. Nëse dua të flas për to, të paktën do të bëj këngë që iu pëlqejnë”, thotë Drake duke u munduar ta sigurojë nënën se nuk do t’ia lëndojë ndjenjat Serenas me fjalë.
“E njoh Serenën shumë mirë dhe e di që do ta ketë të qartë këngën dhe nuk do të më urrejë sepse është këngë e lehtë”, shpjegon reperi.
Më pas, Sandi, ia kujton djalit të tij se ajo është duke dalë me dikë tjetër, që duket sikur i referohet, burrit të saj të tanishëm, Alexis Ohanian, me të cilin tenistja filloi lidhjen në vitin 2015, ndërkohë që reperi i përgjigjet nënës së tij duke thënë “nuk e di mami”.
Albumi “Views” i Drakeut është lansuar në vitin 2016. Më vonë gjatë atij viti, kënga e tij dhe e Rihannas “Too Good” u bë hit. E lansuar si “single” nga albumi, kënga zuri pozitën e 14 në toplistën e top 100 hiteve në Billboard në shtator atë vit.
Në këngë thuhet “jam shumë i mirë për ty, jam tepër i mirë për ty, ti e merr dashurinë time si të mirëqenë, thjesht nuk e kuptoj”.
Është raportuar se Drake dhe Serena ishin në lidhje romantike që nga viti 2010 deri në vitin 2015. Gjatë kësaj kohe Darke është parë duke shkuar në ndeshjet e Serenas. Pamje të tyre duke shkëmbyer puthje në një restorant në Cincinnati u shfaqën online në muajin gusht të vitit 2015.
Serena aktualisht është e martuar me themeluesit e webfaqes “Reddit”, Alexis Ohanian. Pas lindjes së vajzës së tyre Olympia, ata u martuan në nëntor të vitit 2017. Në gusht të vitit 2023, çifti ka mirëpritur vajzën e tyre të dytë, Adria.