“Do të doja të kishim pushim për kombëtaret çdo dy javë. Më pëlqen. Shkoj pushoj dhe pastaj më kthehet energjia”, tha Pep Guardiola në muajin e kaluar.
Menaxherit të Manchester Cityt do t’i bënte mirë një pushim për kombëtaret më shumë se kurrë për shkak të serisë më të keqe të rezultateve në 17 vjet karrierë si trajner.
Humbja 2 me 1 nga Brightoni do të thoshte se ishte e katërta me radhë në të gjitha garat.
City ka qenë jashtë kontrollit në javët e fundit sepse ka pësuar 10 gola në humbjet nga Tottenhami, Bournemouthi, Sportingu dhe Brightoni.
Këto janë gjashtë problemet që Guardiola duhet t’i zgjidh që City të shmangë rezultatet negative.
Kontrolli i mesfushës
Krejt e dinë që City nuk është i njëjtë pa Rodrin dhe ekipi është varur shumë nga ai. Mungesa e tij ka peshuar shumë në ekip.
Ngjallja e Haalandit të lodhur
Erling Haaland dukej i pakënaqur me bashkëlojtarët kur pësuan golin e barazimit. Mirëpo norvegjezit i ka peshuar shumë përgjegjësia për golat e Cityt.
Ai është bërë lojtari më i shpejtë në histori të Premier Ligës që realizon 75 gola.
Halli me mbrojtjen
Nëse doni të dini se sa e keqe ka qenë mbrojtja e Cityt së fundmi, mendoni për këtë: ka pësuar më shumë gola sesa Manchester Unitedi. Zgjidhja e problemeve në mbrojtje është një prej gjërave të para që do të duhej të bënte Guardiola.
Mbajtja e qetësisë
City në dy ndeshjet e fundit kishte nisur mirë. Ekipi ka pasur shumë raste, por shumicën nuk i ka konkretizuar. Saktësia para portës është një tjetër synim i Guardiolës për javët që vijnë.
Lufta për çdo top
Sezonin e kaluar kur City mposhti Copenhagen me rezultat 3 me 1. Trajneri kundërshtar tha se City punon shumë në fushë dhe jo çdo ekip mund ta bëjë këtë. Mirëpo këtë sezon, ekipi nuk ka punuar shumë.
Zëvendësimi i Alvarezit
City ka fituar hiq më pak se 82 milionë funte kur shiti Julian Alvarezin tek Atletico Madridi, por bëri gabim sepse paratë nuk i ka shpenzuar.
Argjentinasi ka luajtur mirë sa herë është inkuadruar. Në sezonin e parë realizoi 14 gola në 22 paraqitje nga minuta e parë.
Luajti rol edhe më të madh në sezonin e dytë, duke realizuar 17 gola dhe 11 asistime. Askush tjetër përveç Haalandit nuk i ka arritur këto shifra këtë sezon.