QKUK ka njoftuar se për shkak të punimeve që po zhvillohen për ndërtimin e objektit të ri për Klinikën e Hematologjisë/Nefrologjisë, rruga në afërsi, përkohësisht është bllokuar dhe mund të shfrytëzohen rrugët e tjera alternative brenda QKUK-së.
“Bllokimi është bërë për shkak të sigurisë së kalimtarëve që lëvizin në këtë rrugë, meqë një kran nga kompania punëkryse ka pasur lëvizje, e që potencialisht mund të paraqes rrezik”, ceket në njoftim.
Për këtë është njoftuar edhe Policia e Kosovës, e cila ka asistuar në këtë proces.
“Rruga do të lirohet sapo të vlerësohet se nuk paraqet rrezik për kalimtarët dhe makinat që kalojnë në atë pjesë”, kanë bërë të ditur nga ky institucion.