Skuadra e Llapit, e drejtuar nga Tahir Batatina, ka shënuar humbjen e radhës ditën e sotme.
Me rezultat 2:1, Ballkani mposhti ekipin nga Podujeva.
E rreth kësaj humbje ka reaguar KF Llapi, ku ka akuzuar gjyqtarët, duke thënë se janë dëmtuar padrejtësisht me gjykime tendencioze.
E kryesisht kanë akuzuar Mervan Bejtullahun.
”Bejtullahu me vendimet e tij të dyshimta ka dëmtuar skuadrën tonë në tri ndeshje: duke pranuar golin e Dukagjinit kur topi ishte në lëvizje si gjyqtar kryesor i ndeshjes, duke asistuar gjyqtarin kryesor, Genc Nuza, për një penallti të dyshimtë për Ferizajn, dhe duke asistuar sot gjyqtarin kryesor, Dardan Çaka, për penalltinë e akorduar për Ballkanin.”, thuhet në reagimin e klubit.