Kur diçka nuk funksionon, duhet rregulluar.
I njëjti rregull vlen edhe për zemrën. Nëse qelizat e miokardit nuk janë në gjendje të rigjenerohen pas një ataku kardiak idealja do të ishte të kishim një “riparues” biologjik.
”Dhe ndoshta, falë studimit ne kemi gjetur një të tillë”, shkruan salute.eu.
Zgjidhja sugjerohet nga studimet mbi peshkun zebra, të cilët, ndryshe nga minjtë dhe njerëzit, janë në gjendje të rigjenerojnë indin kardiak në rreth dy muaj pas një dëmtimi.
Sekreti i ”rilindjes” së zemrës tek këto kafshë në fakt fshihet në një proteinë, të quajtur Hmga1.
Falë stimulit të shkaktuar nga kjo proteinë, një ekip ndërkombëtar shkencëtarësh arriti të riparonte me sukses zemrat e minjve.
Studimi hap rrugën për perspektiva vërtet mbresëlënëse edhe nëse jemi vetëm në fillim.
Në fakt, një rrugë e re hapet për shpresën në rigjenerimin e miokardit, me ndikim pasues në rikuperimin pas një ataku kardiak dhe në trajtimet për dështimin e zemrës.
Studimi tregon se si Hmga1, i identifikuar te peshku zebra, mund të veprojë edhe te kafshët.
Studimi u krye nga studiues të institutit ”Hubrecht” në Utrecht dhe u botua në ”Nature Cardiovascular Research”.