Cristiano Ronaldo e ka nisur vitin 2025 me gol dhe me fitore.
Skuadra ku ai luan, Al Nassr shënoi fitore 3:1 ndaj Al Okhdood në kuadër të javës së 14 në elitën e futbollit të Arabisë Saudite.
Mane me dy gola dhe Ronaldo me një i dhanë fitoren vendasve në ndeshjen e parë në vitin e ri.
Ronaldo, kësisoj shënoi golin e parë në vitin e tij të 24 rresht.
Portugezi ka arritur në kuotën e 917 golave dhe i nevojiten vetëm edhe 83 për të arritur qëllimin e tij.
Me këtë fitore, Al Nassr shkon në kuotën e 28 pikëve në vendin e tretë, tetë më pak se lideri, Al Ittihad që ka edhe një ndeshje më pak të luajtur.