James McAtee ka realizuar “hat-trick” në fitoren e thellë të Manchester Cityt.
City të shtunën në kuadër të raundit të tretë të FA Cup e mposhti Salfordin me rezultatin 8:0, pas disa javëve krize rezultatesh në të gjitha garat.
Tre gola u shënuan në pjesën e parë kurse pesë të tjerë në pjesën e dytë.
Jeremy Doku e hapi serinë e golave në minutën e tetë.
Në minutën e 20-të, Divin Mubama shënoi për 2:0, kurse Nico O’Reilly në minutën e 43-të e realizoi golin e tretë.
Jack Grealish ishte i saktë nga pika e bardhë në minutën e 49-të për 4:0.
Goli i pestë u shënua nga McAtee në minutën e 62-të.
Shtatë minuta më pas sulmuesi belg, Doku, shënoi sërish për 6:0 nga penalltia.
Dhe dy golat e fundit i realizoi McAtee në minutën e 72-të dhe 81-të.
Skuadra e Salfordit bën gara na kategorinë e katërt të futbollit anglez.