Kryesia e Lidhjes Demokratike të Kosovës do të mbajë sot mbledhje.
Katër ditë pas zhvillimit të raundit të parë të zgjedhjeve, në të cilën LDK-ja arriti të fitojë në dy komuna dhe të shkojë në balotazh në nëntë të tjera, anëtarët e kryesisë së subjektit do të diskutojnë sot mbi rezultatin zgjedhor dhe veprimet e mëtutjeshme.
Këtë takim e ka konfirmuar sekretari i LDK-së, Imri Ahmeti, i cili është njëri nga dy kandidatët që përfaqësojnë subjektin, e që fituan në raundin e parë të zgjedhjeve. Ahmeti fitoi edhe një mandat në krye të Komunës së Lipjanit.
Ahmeti konfirmoi se kjo mbledhje është e rregullt ku temë diskutimi do të jenë zgjedhjet lokale.
Takimi do të fillojë në ora 12:00.