Deputeti i Lëvizjes Vetëvendosje, Enver Dugolli, ka hezituar të tregoj nëse duhet të shkarkohet ministri për Komunitete dhe Kthim, Goran Rakiq.
Pas kërkesave për shkarkimin e ministrit Rakiq, deputeti i VV-së, ka thënë se kryeministri Albin Kurti do të marr vendimin e duhur për këtë çështje.
“Fatkeqësish Lista Serbe i ka 10 deputetët që të gjithë janë njëjtë. Ne nuk kemi pasur zgjidhje tjetër për shkak se Kushtetuesja na obligon me pasë një ministër serb. Unë besoj që Kurti do e merr vendimin e duhur në momentin e duhur”, u shpreh ai.
Gjatë ditës së diele, ministri për Komunitete dhe Kthim, Goran Rakiq, i ka prirë një proteste në veri të Mitrovicës për të shprehur pakënaqësinë e tyre për moslejimin e mbajtjes së referendumit edhe në Kosovë.