Nga vendet 11, përkatësisht 12 në renditjen e listës, Hykmete Bajrami dhe Avdullah Hoti janë ngjitur në top gjashtë kandidatët të Lidhjes Demokratike të Kosovës.
Pas numërimit të afër 20% të votave në Qendrat Komunale të Numërimit, dy ish-ministrat kanë siguruar më shumë vota sesa katër kandidatë të tjerë, të renditur mbi ta në listën zgjedhore prej 110 kandidatëve.
Bajrami, një nga zërat më të fuqishëm të LDK-së në legjislaturat e kaluara, ka siguruar 7,542 vota nga 20,169 votat e LDK-së në total, ndërsa ish-kryeministri Hoti ka marrë 6,864 vota.
Në top treshën e LDK-së, aktualisht ndodhen Vjosa Osmani-Sadriu me mbi 13 mijë vota, kryetari i partisë Lumir Abdixhiku me 12 mijë vota dhe Doarsa Kica-Xhelili me 9,864 vota.
Dhjetë kandidatët më të votuar të LDK-së:
VJOSA OSMANI SADRIU 13,631 Vota
LUMIR ABDIXHIKU 12,330 Vota
DOARSA KICA XHELILI 9,864 Vota
HYKMETE BAJRAMI 7,542 Vota
AVDULLAH HOTI 6,864 Vota
UKË RUGOVA 5,811 Vota
KUJTIM SHALA 5,639 Vota
ANTON QUNI 4,562 Vota
LUTFI HAZIRI 4,211 Vota
ARMEND ZEMAJ 4,178 Vota