Ish-kryetari i Prishtinës, Shpend Ahmeti, ka ironizuar me deklaratën e kryetarit të Prishtinës, Përparim Rama, i cili tha se qeni që i sulmoi tre mjekë dje është zënë dhe është në mbajtje.
Ahmeti në një postim në Twitter ka pasur disa pyetje lidhur me “arrestimin” e qenit nga ana e të parit të Prishtinës.
“Qeni në mbajtje që i ka sulmuar mjekët. A ke hajgare qëkjo? A ja keni dhënë 48 orë paraburgim (a 7 orë me kohë të qenve). Edhe ai qeni topall te QKUK a është intervistu?”, shkroi Ahmeti.
Qeni në mbajtje që i ka sulmuar mjekët. A ke hajgare qëkjo? A ja kanl dhënë 48 orë paraburgim (a 7 orë me kohë të qenve). Edhe ai qeni topall te QKUK a është intervistu?
— Shpend Ahmeti (@ShpendA) April 22, 2022
Gjatë ditës së sotme, Rama ka treguar se çka ndodhi me qenin që i sulmoi tre mjekë të QKUK-së.
“Më vjen keq për rastin që ka ndodhur me mjekët e QKUK-së. Faktikisht, aty veçse është zënë qeni dhe është parë që s’ka qenë i trajtuar. Ka ardhur prej dika dhe tash ai është në mbajtje dhe në bazë të proceseve ligjore do të trajtohet si i tillë”.