Nënkryetarja e PDK-së, Vlora Çitaku ka deklaruar se mos-shqyrtimi i sërishëm i aplikimit të Kosovës nga ana e Këshillit të Evropës “shpërfaq gjendjen e mjerueshme të diplomacisë sonë”.
Sipas saj, kjo edhe konfirmon që ky hap është ndërmarrë pa asnjë koordinim me aleatët ndërkombëtarë të Kosovës.
“Këso lloj aventurash janë të rrezikshme dhe shkaktojnë dëme. As nuk dinë, as nuk munden, as nuk pyesin”, shkroi ish-ambasadorja e Kosovës në ShBA.
