Deputeti i Lëvizjes Vetëvendosje, Mefail Bajqinovci ka thënë se vendosmëria dhe argumentet e kryeministrit, Albin Kurti janë garancion për cilësinë e marrëveshjes.
Sipas Bajqinovcit, kjo është arsyeja pse presidenti i Serbisë, Aleksandar Vuçiq është kaq refuzues.
“Vendosmëria e Kurtit dhe argumentimet e tij janë garancion për cilësinë e marrëveshjes. Prandaj, Vuçiqi është kaq refuzues!” – ka shkruar Bajqinovci në Facebook.
Kanë kaluar më shumë se 9 orë që kur kryeministri i Kosovës Albin Kurti dhe presidenti i Serbisë Aleksandar Vuçiq, kanë nisur në Ohër takimet ndaras dhe trepalëshe me përfaqësuesin e lartë të Bashkimit Evropian, Josep Borrell, dhe emisarin e BE-së për dialogun Kosovë-Serbi, Miroslav Lajçak.