Policia e Durrësit ka bërë të ditur se ka prangosur dy shtetas të Kosovës, pasi të njejtit tentuan të kalonin kufirin përmes portit të Durrësit, me dokumente të falsifikuara.
“Nga specialistët e Seksionit për Hetimin e Krimit Ekonomik dhe Financiar në DVP Durrës u arrestuan në flagrancë për veprat penale ‘Falsifikimi i letërnjoftimeve, i pasaportave ose i vizave’ dhe ‘Falsifikimi i vulave, i stampave ose i formularëve’, shtetasit: A. K., 46-vjeçe dhe E. K., 22-vjeç, banues në Prizren, Kosovë, pasi në PKK Port Durrës, kanë tentuar të kalojnë kufirin me dokumente identifikimi të dyshuara të falsifikuara”, thuhet në njoftimin e Policisë.
Tutje, në cilësinë e provës materiale njoftohet se janë sekuestrur edhe dy karta identiteti dhe dy leje drejtimi të dyshuara të falsifikuara.