Presidenti serb Aleksandar Vuçiq ka komentuar deklaratën e komisionarit të lartë të BE për punët e jashtme, Josep Borrell se Serbia është vendi i vetëm në Evropë e cila pretendon të anëtarësohet në BE por se refuzon ta harmonizojë politikën e saj të jashtme me atë të Bashkimit Evropian dhe të vendosë sanksione ndaj Rusisë.
Ai ka thënë se kreu i diplomacisë evropiane, Josep Borrell, ka të drejtë, sepse Serbia është i vetmi vend që nuk ka vendosur sanksione ndaj Rusisë, transmeton Paparaci.
“Kjo tregon se Serbia është e vetmja që bën “politikën e saj të pavarur”. Unë kurrë nuk jam betuar, përderisa mund të bëjmë një politikë të tillë, atë edhe do ta bëjmë. Kur nuk mundemi, do t’i informoj qytetarët. Por këtë e kemi bërë për më shumë se një vit”, ka thënë Vuçiq./Paparaci