Presidentja e Kosovës, Vjosa Osmani i ka shprehur mirënjohje deputetes britanike, Alicia Kearns, për thirrjet e saj për ekspozimin e agjendës destruktive dhe destabilizuese të Serbisë.
Osmani ka shkruar në Twitter se Kosova do të ruajë vlerat e përbashkëta dhe se do të forcojë demokracinë.
“Faleminderit Alicia Kearns për përpjekjet tuaja të palodhura në ekspozimin e agjendës destruktive dhe destabilizuese të Serbisë. Falënderoj të gjithë nënshkruesit për mbështetjen e tyre të fuqishme për sovranitetin dhe demokracinë e Kosovës. Së bashku, ne do të ruajmë vlerat tona të përbashkëta dhe do të forcojmë demokracinë!”, ka shkruar Osmani.
Ndryshe, Kearns ka apeluar së fundmi se që të mos përsëriten gabimet e së kaluarës në Ballkan.