Policia e Kosovës po realizon një operacion policor lidhur me rastin e grabitjes së armatosur në Suharekë.
Sot, njësite të policisë, në bashkëpunim me Doganën janë duke kryer një kontroll në argjendarinë “Baraku”, e cila gjendet në rrugën e “UÇK-së” në Prishtinë.
Pronari i kësaj argjendarie, Trim Baraku, u arrestua një ditë më parë nën dyshimin për bashkëpunim me grabitësit e armatosur të argjendarisë në Suharekë.
Të enjten, Policia e Kosovës pas një aksioni ka “neutralizuar” një të dyshuar dhe një pjesëtar i saj është plagosur, pasi u sulmua me armë zjarri gjatë një operacioni të gjerë hetimor në tri lokacione të ndryshme lidhur me grabitjen e javës së kaluar në një argjendari në Suharekë.
Gjatë aksionit të së enjtes po ashtu janë arrestuar katër persona të tjerë, ndërsa një tjetër gjendet ende në kërkim policor.