Sekretarja e përgjithshme e PDK-së, Vlora Çitaku ka reaguar ndaj ministres së Jashtme, Donika Gërvalla, e cila sulmoi pushtetet e kaluara që nuk janë marrë me mërgatën.
Këtë sulm ajo e ka bërë në kohën kur pushteti është kritikuar ashpër se po shfrytëzon ambasadat për tubime të fushatës me mërgimtarët.
Ajo kritikoi edhe konferencën e mbajtur nga PDK-ja të shtunën që ishte thirrur pikërisht për shfrytëzimin e ambasadave që është duke e bërë Albin Kurti dhe Gërvalla.
“Donikë, paske marrë mundimin me reagu ndaj konferencës time për shtyp. Më mirë kish me qenë me u marrë me njohjen të Republikës së Kosovës nga ndonjë shtet, anëtarësimin në Këshill të Evropës, heqjen e sanksioneve nga ana e B.E”, ka shkruar Çitaku
“Donikë, nuk të marr seriozisht as une, e çka ështé ma e keqja për Kosovën, ty nuk të merr seriozisht askush. Jeni duke abuzuar. Jeni duke instrumentalizuar institucionet e shtetit, diplomacinë, policiné, AKI-në. Keni me dhanë përgjegjësi”, ka shkruar ajo