Emisari i BE-së për dialogun Kosovë-Serbi, Miroslav Lajçak ka zhvilluar një takim në Washington me Zëvendës Sekretarin e Shtetit amerikan për Menaxhimin dhe Burimet, Richard Verma.
Lajçak thotë se e ka informuar Verman për dialogun dhe zhvillimet rajonale
“Përfundova vizitën time në Uashington DC me një bisedë shumë të vlefshme me Zëvendës Sekretarin e Shtetit, Richard Verma. E informova atë për zhvillimet rajonale dhe Dialogun dhe theksova rëndësinë e bashkëpunimit të ngushtë Bashkim Evropian-ShBA në Ballkanin Perëndimor”, ka shkruar ai në “X”.