Presidenti francez Emmanuel Macron dhe Kryeministri i Mbretërisë së Bashkuar, Sir Keir Starmer, kanë propozuar një armëpushim prej një muaji midis Rusisë dhe Ukrainës.
Në një intervistë për gazetën franceze Le Figaro, Macron thotë se një armëpushim i tillë fillimisht nuk do të mbulonte luftime tokësore, por do të ishte “në ajër dhe në det”.
Megjithatë, ai pranon se do të ishte shumë e vështirë të verifikohej nëse armëpushimi po respektohej në një vijë kaq të gjerë fronti.
Lideri francez gjithashtu sugjeron se paqeruajtësit mund të vendosen në një moment të mëvonshëm, por shton: “Nuk do të ketë trupa europiane në tokën ukrainase në javët e ardhshme.”
Ai gjithashtu sugjeron që vendet europiane duhet të rrisin shpenzimet e tyre për mbrojtjen në një nivel midis 3.0 dhe 3.5 përqind të PBB-së, për t’iu përgjigjur ndryshimit të prioriteteve të Uashingtonit dhe militarizimit të Rusisë.