Policia e Kosovës ka njoftuar se disa të mitur janë therur me thikë ditën e mërkurë.
Rasti ka ndodhur rreth orës 13:10.
“Pas marrjes së një informate për therje me thikë, njësitet policore kanë dalë në vendin e ngjarjes ku kanë hasur në tre persona meshkuj kosovarë të moshës se mitur të cilët dyshohet se janë therur me mjet të mprehtë –thikë”, thuhet në njoftimin e policisë.
Tutje, theksohet se të lënduarit janë dërguar ne QKUK për tretman mjekësor, ku pas marrjes së tretmanit dy nga ta janë liruar, ndërsa njëri prej tyre është ndaluar për tretman të mëtutjeshëm mjekësor.
Lidhur me rastin është intervistuar i dyshuari mashkull kosovar dhe me vendim të prokurorit është dërguar në mbajtje.