Një kontingjent i Forcave të Sigurisë së Kosovës është nisur në një operacion humanitar në Republikën e Shqipërisë.
Kryeministri në detyrë, Albin Kurti, ka bërë të ditur sot se ka miratuar vendimin për aprovimin e kërkesës së Ministrisë së Mbrojtjes për dërgimin e një kontingjenti të FSK-së në Shqipëri.
Në njoftimin e Kurtit thuhet se trupat e FSK-së do të marrin pjesë në operacionin humanitar kërkim shpëtim, në vendin e quajtur “Qafën e Burrelit”, Bashkia Klos, ku ditëve të fundit në ambientet e fabrikës së përpunimit të kromit ka ndodhur një rrëshqitje masive dheu, e si pasojë e saj një punëtor i fabrikës është mbuluar nga dheu.