Ushtria e Tajvanit ka filluar një stërvitje të madhe ushtarake dhjetëditore, në të cilën testohen të gjitha aftësitë civile dhe ushtarake për t’u mbrojtur nga një sulm i mundshëm nga Kina, duke përfshirë ushtrime realiste në një mjedis urban.
Stërvitja ushtarake vjetore “Han Kuang”, e cila mbahet që nga viti 1984, këto ditë ka një theks të veçantë në përdorimin e të gjitha kapaciteteve të transportit në kryeqytetin e Tajvanit në rast lufte.
Kështu, treni i qytetit me shpejtësi të lartë në Taipei u përdor për të transportuar njësi ushtarake në rast të nevojave luftarake në kryeqytetin e Tajvanit.
Stërvitja përfshin 22,000 rezervistë të ushtrisë tajvaneze.
Taiwanese military police practice transporting munitions, including Stinger missiles, through Taipei’s MRT system as part of Day 5/6 of the annual Han Kuang exercises.@TaiwanMonitor pic.twitter.com/I0Nf9aOwPS
— Jaime Ocon 歐海美 (@JaimeOcon1) July 14, 2025
Për shkak të frikës se Kina mund të nisë një pushtim të Tajvanit, stërvitja e këtij viti do të përfshijë identifikimin e porteve dhe pikave të mundshme të zbarkimit kinez.
Forcat tokësore të Tajvanit kanë rreth 88,000 trupa aktive.
Në det, marina ka më shumë se 100 anije, duke përfshirë shkatërrues dhe nëndetëse, me një fokus të fortë në mbrojtjen bregdetare kundër forcave komando kineze.
Në ajër, forca ajrore ka më shumë se 400 avionë luftarakë, duke përfshirë F-16, të gatshëm për të reaguar shpejt në rast të ndërhyrjeve ajrore nga aviacioni kinez.