Deputetja e Nismës, Xhevahire Izmaku në një deklaratë për media pas dështimit të seancës konstitutive, ka paralajmëruar se gjatë fundjavës pret që të ketë epilog pozitiv në takimin mes shefit të saj, Fatmir Limaj dhe kryetarit të Vetëvendosjes, Albin Kurti.
Mirëpo deputetja Izmaku ka thënë se Limaj nuk do të heqë dorë nga posti i kryetarit të Kuvendit.
“Presim që në fundjavë të ketë epilog pozitiv dhe të prodhohet një rezultat. Pritet që kafja ose dreka të kryet dhe shpresojmë. Nuk heq dorë nga plani që Limaj të jetë në krye të Kuvendit. Besoj që do të arrihe marrëveshja”, ka thënë Izmaku.