Kryetari i zgjedhur i bashkisë së Nju Jorkut, Zohran Mamdani, nuk humbi kohë për të kritikuar ashpër presidentin Donald Trump, duke nisur zyrtarisht një betejë që ka të ngjarë të përcaktojë marrëdhënien midis kryetarit 34-vjeçar dhe një presidenti, fama e të cilit është e lidhur me qytetin.
“Donald Trump, meqenëse e di që po më shikon, kam katër fjalë për ty: Lëshoja zërin!” tha Mamdani gjatë një fjalimit të fitores të martën në mbrëmje.
Mamdani i ka kundërshtuar politikat e presidentit 79-vjeçar, veçanërisht në çështjen e imigracionit, një nga temat kryesore të fushatës së tij.
Tre vitet e ardhshme do të testojnë aftësinë e tij për t’iu kundërvënë drejtpërdrejt Trumpit.
Zohran Mamdani has won the race to become the next mayor of New York City.
Mr Mamdani – who will be the first Muslim, first South Asian, and youngest person in a century to be elected as the famous city’s mayor – used a victory speech to throw down the gauntlet to Donald Trump. pic.twitter.com/8IVr4kMQQH
— Sky News (@SkyNews) November 5, 2025
“Nëse dikush mund t’i tregojë kombit të tradhtuar nga Donald Trump se si ta mposhtë atë, është qyteti ku ai lindi, dhe nëse ka ndonjë mënyrë për të trembur një despot, është duke ia hequr pikërisht kushtet që i lejuan atij të merrte pushtet. Kjo nuk është vetëm mënyra se si e ndalojmë Trumpin, por është mënyra se si e ndalojmë edhe tjetrin pas tij”, tha Mamdani.
Trump e ka kërcënuar Mamdanin me ngrirjen e fondeve federale nëse fiton në Nju Jork.
Mamdani pranoi se fitorja e tij paraqet një sfidë në zbatimin e asaj që ai e quan “programi më ambicioz për të adresuar krizën më të madhe të kostos së jetesës që ka parë ky qytet” që nga vitet 1940.
Por ndërkohë, Mamdani u zotua të luftonte.
“Prandaj më dëgjo, President Trump, kur e them këtë: Për të arritur tek ndonjëri prej nesh, do të duhet të kalosh nëpër të gjithë ne”, shtoi Mamdani.