Në Turqi nuk është pritur aspak mirë veprimi i një grupi tifozësh kosovarë të hënën në mesnatë.
Hedhja e fishekzjarrëve pranë hotelit Swiss Diamond në qendër të Prishtinës, aty ku janë akomoduar stafi dhe lojtarët e kombëtares turke, ka shkaktuar reagim të ashpër në Turqi.
Mediat turke e kanë cilësuar skandal ngjarjen e mesnatës.
“Skandal i madh në Kosovë! Kombëtarja jonë A sulmohet me fishekzjarr”, shkruan sot në titull gazeta sportive Fotomaç.
“Para finales së play-off-it për Kualifikueset e Kupës së Botës 2026 kundër Kosovës, ekipi ynë A u sulmua me fishekzjarr në hotelin ku po qëndronte”, vijon shkrimi i mediumit turk.
Sipas mediumit turk, nga ngjarja nuk kaloi pa u vënë re mungesa e sigurisë përrreth hotelit ku është akomoduar kombëtarja turke.
Kosova dhe Turqia përballen sot në ndeshjen e vlefshme për kualifikim në Kupën e Botës.
Takimi nis në orën 20:45 dhe zhvillohet në stadiumin Fadil Vokrri në Prishtinë.