Analisti sportiv nga Shqipëria, Gëzim Sinemati i ka thurur lavde Kosovës një ditë para ndeshjes vendimtare me Turqinë.
Sinemati ka thënë se Shqipëria tani ia ka zili Kosovës për stilin e të luajturit futboll, teksa ka shtuar se Kosova e ka mbajtur Shqipërinë me lojtarë.
“Kosova na ka dhënë neve një kombëtare, ndërsa një tjetër e ka për vete. Ka ecur përpara, ndërsa ne sot i kemi zili, sepse ata guxojnë të sulmojnë, kurse ne jemi të frikësuar. Kosova duhet të na marrë për dore dhe të na mësojë si luhet futbolli”, ka thënë Sinemati.