Kryetari i Lidhjes Demokratike të Kosovës, Lumir Abdixhiku, ka njoftuar për takimi që ai së bashku me ish-presidenten Vjosa Osmani, kanë zhvilluar me qytetarët e Vitisë.
Abdixhiku, në postimin e tij ka shkruar se takimi ishte me biseda të hapura e ballë për ballë, sepse, ‘’politika ka kuptim vetëm kur e dëgjon’’.
Postimi:
HAJDE FOLIM në Viti.
Sa shumë interesim. Sa shumë debat. Sa shumë njerëz me çfarë të thonë, me çfarë të ndajnë. Për brengat e përditshme. Për zhgënjimet. Por edhe për shpresën se Kosova mund të bëhet më mirë.
Biseda të hapura, pa filtra, ballë për ballë. Sepse politika ka kuptim vetëm kur dëgjon.
Faleminderit Viti, për mikpritjen e ngrohtë dhe energjinë e bukur.