FedEx është një kompani transporti e cila ka një shigjetë të fshehur në logon e saj.
Përdorimi i zgjuar i hapësirës midis dy shkronjave të fundit, ka bërë që logoja të fitojë disa çmime dhe e bën atë një nga më efektivet të krijuara ndonjëherë.
Në fakt ka ndodhur aksidentalisht: “Ishte shumë larg mendjes sonë ideja e një shigjete,” tha Lindon Leader, i cili projektoi logon në 1994. “Por në një kritikë të brendshme në mes të eksplorimit të logos, më intrigoi një dizajn që kishte shkronja me ndarje shumë të ngushtë.”
U zhvilluan mbi 400 versione të logos, përpara se të vihej re se bashkimi i “E” së madhe dhe një “X” të vogël krijonte një shigjetë.
“Pas disa ditësh, kuptova se nëse një shigjetë mund të krijohej në format e shkronjave, ajo mund të sugjeronte në mënyrë delikate kalimin nga pika A në pikën B në mënyrë të besueshme, me shpejtësi dhe saktësi,”- tha Leader.
Ariu i fshehur në logon e çokollatës Toblerone është një element i fshehur aq mirë saqë vështirë mund të vërehet.
Edhe logoja Amazon nuk është krejt pa kuptim, ajo ka gjithashtu një mesazh të fshehur. Lakorja e verdhë i ngjan një buzëqeshjeje, por gjithashtu është një shigjetë që fillon nga shkronja “A” dhe përfundon te shkronja “Z”. Një njoftim për shtyp i hershëm sqaron se kjo ka për qëllim të theksojë se Amazon ofron gjithçka, nga A në Z.
Pjesa e rrumbullakët e logos së LG përbëhet nga shkronjat “L” dhe “G”, por gjithashtu i ngjan një fytyre njeriu që shkel syrin.
Versioni më i fundit i logos së Starbucks, i prezantuar në 2011, është paksa asimetrik. Nëse shikoni nga afër, skica e hundës në anën e djathtë shkon më thellë se në anën e majtë. Edhe pse kjo është kundër urtësisë së pranuar se simetria është bukuri, është e qëllimshme, pasi dizajnerët mendonin se një pamje paksa asimetrike do ta bënte sirenën të dukej më njerëzore.