Ministria e Industrisë, Ndërmarrësisë dhe Tregtisë i ka ftuar qytetarët që edhe në ditët festive, të vazhdojnë të adresojnë ankesat e tyre në çdo rast që gjykojnë se ka keqpërdorim apo manipulim lidhur me çmimet në treg.
Për manipulimet e çmimeve në treg, sipas MINT-it qytetarët mund të njoftojnë në numrin e Departamentit për Mbrojtjen e Konsumatorit.
“Ministria e Industrisë, Ndërmarrësisë dhe Tregtisë i fton qytetarët e Republikës së Kosovës që edhe në ditët festive, të vazhdojnë të adresojnë ankesat e tyre në çdo rast që gjykojnë se ka keqpërdorim apo manipulim lidhur me çmimet ne treg. Qytetarët inkurajohen të njoftojnë menjëherë Departamentin për Mbrojtjen e Konsumatorit në numrin e telefonit 0800 11000 ose në platformën: https://konsumatori.rks-gov.net/”, thuhet në njoftimin e MINT-it.
Sipas kësaj ministrie, mbrojtja e konsumatorit është ndër prioritetet e Ministrisë së Industrisë, Ndërmarrësisë dhe Tregtisë.