Qindra civilë kanë ikur në drejtim të qytetit Kharkiv pasi janë evakuuar nga fshati i afërt i Ruska Lozovas. Ky fshat është nën pushtimin rus qe një muaj e gjysmë. Gati gjysma e civilëve kanë ikur nga fshati me autobusë, vetura ose në këmbë. Ata kanë ikur pas tërheqjes së ushtrisë ruse dhe kur Ukraina mori kontrollin e plotë të fshatit.
Civilët që kanë ikur në qytetin e Kharkivit kanë thënë se për më shumë se një muaj kanë qëndruar nëpër bodrume dhe se çdo ditë kanë përjetuar bombardimet e shumta nga ushtria ruse. Nuk dihet nëse ka të mbijetuar të tjerë në këtë fshat për shkak të rrezikut të lartë nga sulmet ajrore.
Disa gazetarë kanë vdekur qëkur nisi pushtimi rus i Ukrainës. Qasja në pjesën lindore të Ukrainës ka qenë e vështirë për shkak të masave të ashpra kundër raportimit nga zonat e luftës.