Policia e Interpolit ka arrestuar sot Alfred Prodani, drejtor i ujësjellësit në Laç, i cili akuzohet se ka kryer grabitje në shtëpinë e sulmuesit të Real Madridit, Karim Benzema.
Grabitja dyshohet të jetë kryer nga Prodani më 27 shkurt të vitit 2019, derisa po zhvillohej ndeshja mes Real Madridit dhe Barcelonës.
Lajmin e ka bërë të ditur ish-kryeministri i Shqipërisë, Sali Berisha.
Berisha ka marrë një mesazh nga një ndjekës i tij, i cili e ka rrëfyer ngjarjen e Prodanit.
“Një pyetje nga qytetari i Laçit për Edvinin: Ku janë dy narkodrejtorë që janë zhdukur?!”, shkruan Berisha, duke vijuar me publikimin e denoncimit: “Përshëndetje z. Berisha, jam një qytetar nga Laçi. Ma pyet pak Kryeministrin ku ndodhen dy drejtorët, njëri prej të cilëve i Ujësjellësit, apo janë në burg në Spanjë, ku akuzohen për vjedhjen e shtëpisë së futbollistit të Real Madridit, Benzema. Qyteti i Laçit është pa dy drejtorë”.
Mediat spanjolle lidhur me ngjarjen nuk kanë publikuar detaje, por dyshohet se në këtë ngjarje janë të përfshirë shtetas nga Shqipëria.